ეგრეთ წოდებული, „ღორის გრიპის“ ვირუსით ქუთაისის დედათა და ბავშვთა ცენტრში კიდევ ერთი ორსული გარდაიცვალა. იგი საავადმყოფოში 21 დეკემბერს ორივე ფილტვის მწვავე ანთებით მიიყვანეს. გარდაცვლილი 18 წლის წყალტუბოს რაიონში მცხოვრები სოფიო იოსელიანია. მედიკოსებმა ნაყოფის გადარჩენა ვერ შეძლეს, იგი ფეხმძიმობის მე-6 თვეში იმყოფებოდა.
გარდაცვალების მიზეზად ექიმები სტაციონარში დაგვიანებით გადაყვანას ასახელებენ. თუმცა საავადმყოფოში მიყვანისთანავე იგი სასუნთქ აპარატზე იქნა მიერთებული. ამ ეტაპზე კი ქუთაისის დედათა და ბავშვთა ცენტრში კიდევ ერთი ორსულია სასუნთქ აპარატზე მიერთებული.