დღეს ქუთაისში H1N1 ვირუსით 38 წლის ორსული ქალბატონი გარდაიცვალა, რომელმაც ქუთაისის დედათა და ბავშვთა ცენტრს შაბათს მიაკითხა. იგი სენაკელია. გარდაცვლილი ქალბატონი 8 თვის და ორი კვირის ორსული იყო. ვირუსი ლაბორატორიულად დაუმტკიცდა, იგი სასუნთ აპარატზე იყო შეერთებული. მედიკოსების გადაწყვეტილებით, ორსულს საკეისრო კვეთა ჩაუტარეს. როგორც დედათა და ბავშვთა ცენტრის დირექტორი თემურ ნადირაძე აცხადებს, ბავშვის მდგომარეობა დამაკმაყოფილებელია და იგი მედიკოსების ყურადღების ქვეშ იმყოფება.