14 ივლისს აკაკი წერეთლის უნივერსიტეტის დარბაზში 18 წლამდე ასაკის ახალგაზრდებს შორის მკლავჭიდში შეჯიბრი გაიმართა. მასში თბილისის, ქუთაისისა და ბათუმის სპორტსმენები მონაწილეობდნენ.
ღონისძიების ორგანიზატორი მკლავჭიდის ფედერაცია და მისი ხელმძღვანელი ავთანდილ ახვლედიანი გახლდათ. ფინანსური მხარდაჭერა კი ქუთაისის ახალგაზრდობის საქმეთა სამსახურმა და აკაკი წერეთლის უნივერსიტეტის ხელმძღვანელობამ გასწია. გამარჯვებული ახალგაზრდები მედლებით, სერთიფიკატებითა და სიმბოლური საჩუქრებით დაჯილდოვდნენ.