მუსიკალურ კონკურსზე „ევროვიზია-2013", რომელიც შვედეთის ქალაქ მალმეში შედგა, დანიამ გაიმარჯვა. პირველ ნომრად მომღერალი ემილი დე ფორესტი ჯერ კიდევ ხმის მიცემის დასრულებამდე გამოაცხადეს.

დანიის წარმომადგენელმა 281 ქულა მოაგროვა. 39 ქვეყნიდან, რომელებიც ხმის მიცემის პროცედურაში მონაწილეობდნენ,  ის 12 ქულით რვა ქვეყანამ შეაფასა. მეორე ადგილზე აზერბაიჯანი გავიდა, ხოლო მესამეზე - უკრაინა.

საქართველო ევროვიზიის ფინალურ ტურში 25-ე ნორმად წარსდგა და სიმღერით "Waterfall" მე-15 ადგილზე გავიდა.  სოფო გელოვანისა და ნოდიკო ტატიშვილის დუეტმა 58-ე ევროფესტივალის ნახევარფინალური ტური წარმატებით გაიარა და საუკეთესო ათეულში მოხვდა. საქართველომ ქულების მაქსიმუმი აზერბაიჯანს გადასცა. მომავალ წელს ევროვიზიას,შესაბამისად, დანია უმასპინძლებს.

ნ.ბ.