საგარეო საქმეთა მინისტრის მაია ფანჯიკიძის განცხადებით, უკვე მუშაობენ სცენარზე, თუ როგორ უნდა მოხდეს საქართველოს პარლამენტში ასოცირების შეთანხმების რატიფიცირება.
როგორც მაია ფანჯიკიძემ ჟურნალისტებს განუცხადა, ევროკავშირის წევრი ქვეყნების რამდენიმე პარლამენტმა საქართველოს მიერ ევროკავშირთან ხელმოწერილი ასოცირების ხელშეკრულების რატიფიკაცია უვე მოახდინა. ფანჯიკიძის განცხადებით, თავად ევროპარლამენტიც, როდესაც შეიკრიბება, მალე დაასრულებს ამ პროცესს.
"ჩვენ ძალიან დაინტერესებული ვართ, რომ ეს მოხდეს ძალიან სწრაფად. ახლა ყველაფერი კეთდება იმისათვის, რომ 18-ში მოხდეს რატიფიცირება საქართველოს პარლამეტში. უკვე ვმუშაობთ სცენარზე, როგორი უნდა იყოს ეს. ამის შემდეგ იწყება ამ ხელშეკრულების დროებითი გამოყენება. 1 სექტემბრიდან უკვე ძალიან დიდი ნაწილი, განსაკუთრებით ღრმა და ყოვლისმომცველი თავისუფალი სივრცის ამოქმედდება", - განაცხადა მაია ფანჯიკიძემ.
მინისტრის განცხადებით, ამ ღონისძიებას ის 18 ივლისს, პარლამენტში დაესწრება, ასევე იქნებიან სტუმრები უცხოეთიდან.


წყარო: interpressnews.ge