დავით ნარმანიასა და ნიკა მელიას შორის დებატების მოდერატორი "სტუდია რეს" დირექტორი მამუკა ყუფარაძე იქნება
კოალიცია "ქართული ოცნების" თბილისის მერობის კანდიდატ დავით ნარმანიასა და "ნაციონალური მოძრაობის" კანდიდატ ნიკა მელიას შორის
დებატების მოდერატორი "სტუდია რეს" დირექტორი მამუკა ყუფარაძე იქნება.
როგორც მამუკა ყუფარაძემ ტელეკომპანია "რუსთავი 2"-ს განუცხადა, გადაცემა 64-66 წუთს გაგრძელდება. თავდაპირველად კანდიდატების 3-3 წუთიანი მისალმება იქნება, შემდეგ კი კითხვებს რვა მაუწყებლის წარმომადგენლები დასვამენ. მამუკა ყუფარაძის განმარტებით, დებატები პირველი არხის ეთერით გადაიცემა.
დავით ნარმანიასა და ნიკა მელიას შორის დებატები ხვალ საღამოს, სასტუმრო "შერატონ მეტეხი პალასშია" დაგეგმილი.
წყარო:
interpressnews.ge