30 ივნისს იუსტიციის სამინისტროს ვენეციის კომისიის წევრები ესტუმრნენ. მათ იუსტიციის მინისტრის პირველი მოადგილე ალექსანდრე ბარამიძე შეხვდა. იუსტიციის მინისტრის მოადგილემ და სამინისტროს წარმომადგენლებმა ექსპერტებთან ერთად იუსტიციის სამინისტროში შემუშავებული კანონპროექტი განიხილეს, რომელიც სასამართლო რეფორმის მეორე ეტაპზე დაგეგმილ ცვლილებებს ეხება. კერძოდ, მათ „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ და „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ კანონპროექტების შესახებ ისაუბრეს.
წყარო:
info9.ge