"სამოქალაქო საზოგადოების დემოკრატიის განვითარების ცენტრის" ინფორმაციით, მშვიდ გარემოში მიმდინარეობს
"სამოქალაქო საზოგადოების დემოკრატიის განვითარების ცენტრი" 2014 წლის ადგილობრივი თვითმმართველობის წარმომადგენლობითი ორგანოების 29 ივნისის განმეორებით
არჩევნებს 9 საარჩევნო ოლქში და 14 საარჩევნო უბანზე აკვირდება.
ორგანიზაციის დირექტორის ლადო ბოჟაძის განცხადებით, "ხმის მიცემის პროცესი ყველა უბანზე მშვიდ გარემოში მიმდინარეობს, ამ დროისთვის რაიმე სახის მნიშვნელოვან დარღვევებს ადგილი არ ჰქონია და დამკვირვებლების მიერ საჩივრები დაწერილი არ არის".
"სამოქალაქო საზოგადოების დემოკრატიის განვითარების ცენტრი" არჩევნებში ჩართულ ყველა მხარეს მოუწოდებს, კანონმდებლობით განსაზღვრული წესები დაიცვან და მაქსიმალურად შეუწყონ ხელი კენჭისყრის პროცესის მშვიდ გარემოში ჩატარებას. ცენტრი ამომრჩევლებს აქტიურობისკენ მოუწოდებს.
ორგანიზაცია ხმების დათვლის და შედეგების შეჯამების პროცესსაც დააკვირდება.
წყარო:
interpressnews.ge