დაისვენე კურორტ ახალდაბაში
გიგლა ბარამიძე- "ქართული ოცნების" სიები "ნაციონალური მოძრაობის" წარმომადგენლებით არის სავსე
ავტორი:
2014/ივნისი/14 18:00:02
კოალიცია "ნინო ბურჯანაძე - ერთიანი ოპოზიციის" პოლიტიკურმა მდივანმა გიგლა ბარამიძემ დღეს პარტიის სათაო ოფისში ბრიფინგი გამართა. მისი თქმით, კოალიცია "ნინო ბურჯანაძე - ერთიან ოპოზიციას" არაერთხელ განუცხადებია, რომ "ქართულ ოცნებასა" და "ნაციონალურ მოძრაობას" შორის არსებობს არათუ კოჰაბიტაცია, არამედ მათ შორის თანამშრომლობა მიმდინარეობს სხვადასხვა მიმართულებით. ასე იყო საპრეზიდენტო არჩევნების დროს და ასე გაგრძელდა ადგილობრივი თვითმმართველობის არჩევნების დროსაც.
"არსებობს ამის დამადასტურებელი რამდენიმე ფაქტი, რომელზეც ახლა ვისაუბრებ. "ქართული ოცნების" ადგილობრივი თვითმმართველობის სიაში "ნაციონალური მოძრაობის" კანდიდატების ძალზედ დიდი წილია წარმოდგენილი. ეს ეხება როგორც პარტიულ პროპორციულ სიებს, ასევე ეს ეხება მერობის, გამგებლობისა და მაჟორიტარობის კანდიდატებს. ის ვინც აპირებს ხმა მისცეს "ქართულ ოცნებას" უნდა დაფიქრდეს, რადგან იგი უნებურად უხანგრძილევს პოლიტიკურ სიცოცხლეს "ნაციონალურ მოძრაობას", _ აღნიშნა ბარამიძემ.
მისივე თქმით, აჭარაში, ბათუმის მერობის კანდიდატად დასახელებულია გიორგი ერმაკოვი, რომელიც აქტიური "ნაციონალი" იყო. ბარამიძის განმარტებით, ერმაკოვი მუშაობდა ძალოვან სტრუქტურებში და აჭარის შემოსავლების სამსახურის უფროსი იყო.
გიგლა ბარამიძის განცხადებით, ხელვაჩაურის გამგებლობის კანდიდატად "ქართული ოცნების" მხრიდან დასახელებულია ნადიმ ვარშანიძე, რომელიც 2012 წლის საპარლამენტო არჩევნების დროს "ნაციონალური მოძრაობის" შტაბის ხელმძღვანელი იყო.
ადიგენში პროპორციული სიით "ოცნების" მხრიდან კენჭს იყრის გრიგოლ გიგაშვილი, რომელიც საკრებულოს თავმჯდომარე გახლდათ "ნაციონალური მოძრაობიდან".
ახალციხეში მაჟორიტარობის კანდიდატია არუთუნ აგაბაბიანი, "ნაციონალური მოძრაობის" ყოფილი მაჟორიტარი. ლაგოდეხში "ქართული ოცნების" სიის პირველი ნომერია გივი ლობჟანიძე, რომელიც ასევე "ნაციონალური მოძრაობის" სიის პირველი ნომერი იყო. გურჯააანში სიის მეორე ნომერია ავთო ზარდიაშვილი, რომელიც "ნაციონალების" დროს საკრებულოს თავმჯდომარე იყო. ასევე, ხობის გამგებლობის კანდიდატი გოჩა ქაჯაია "ნაციონალური მოძრაობიდან" საკრებულოს წევრი იყო.
"სენაკში მაჟორიტარობის კანდიდატია ბესიკ ნარმანია, რომელიც გახლდათ ასევე საკრებულოს წევრი "ნაციონალური მოძრაობიდან". ზუგდიდში მერობის კანდიდატია ირაკლი გოგოხია, რომელიც როლანდ ახალაიას საარჩევნო შტაბის წევრი იყო.
ოზურგეთის მერობის კანდიდატი ბეგლარ სიორიძე, გახლდათ "ნაციონალური მოძრაობის" აქტიური მხარდამჭერი და ერთ-ერთი ფინანსური დონორი პირველი ოქტომბრის არჩევნების ჩათვლით. სამტრედიაში "ქართული ოცნების" შტაბის მოქმედი თავმჯდომარე ავთანდილ თევზაძე გახლდათ "ნაციონალური მოძრაობის" საარჩევნო შტაბის თავმჯდომარე", - აღნიშნა ბარამიძემ.
კოალიციის პოლიტიკურმა მდივანმა მიმართა საზოგადოებას ნუ მოაბრუნებენ "ნაციონალურ მოძრაობას" ხელისუფლებაში, მივიდნენ არჩევნებზე და სამივე ბიულეტენში შემოხაზონ ნომერი 3. "დროა, მოვაწესრიგოთ ქვეყანა!" _ აღნიშნა ბარამიძემ.

წყარო: interpressnews.ge
'.$TEXT['print'].'
სულ ნანახია - 876
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია