ფინანსთა სამინისტროს საგამოძიებო სამსახურის თანამშრომლებმა, მარკირებას დაქვემდებარებული აქციზური საქონლის, აქციზური მარკის გარეშე
გადაზიდვა-რეალიზაციის ფაქტზე მოქალაქეები: გურამ ბაგაევი, ზვიად ნოზაძე და სამსონ კაჟაშვილი დააკავეს.
საგამოძიებო სამსახურის ცნობით, გამოძიებით დადგენილია, რომ დაკავებულებმა გორის ტერიტორიაზე, ქართული აქციზური მარკის გარეშე გადაზიდეს და გაასაღეს, აქციზური მარკის სავალდებულო დართვას დაქვემდებარებული, დიდი რაოდენობით ალკოჰოლური სასმელი, კერძოდ, არაყი "ბელუგა", კონიაკი "ჰენესი" და ვისკი "ჯეკდენიელსი".
გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-3 ნაწილით, რაც 6-დან 8 წლამდე ვადით თავისუფლების აღკვეთას ითვალისწინებს.
წყარო:
interpressnews.ge