პრემიერ–მინისტრის რეგიონული ტურნე გრძელდება. ხვალ ირაკლი ღარიბაშვილი მცხეთა–მთიანეთს ეწვევა.
როგორც "ინტერპრესნიუსს" პრემიერის პრესსამსახურიდან აცნობეს, ირაკლი ღარიბაშვილი სოფელ ბევრეთის მოსახლეობას შეხვდება, დაათვალიერებს სოფელ ბულაჩაურის სამელიორაციო სისტემის სათავე ნაგებობას და გაესაუბრება ადგილობრივ მცხოვრებლებს.
იგეგმება თიანეთის სოფელ ზარიძეებში სტუმრობა. პრემიერ–მინისტრი ასევე დაესწრება საგურამოს ტურისტული კომპლექსის პრეზენტაციას.
წყარო:
interpressnews.ge