ევროკომისია მიესალმება საქართველოს პროგრესს ხელისუფლების დემოკრატიული გზით გადაცემის და მართლმსაჯულების სისტემის რეფორმირების პროცესში
2014 წლის 21 მაისს ბრიუსელში ევროკომისიის კოლეგიასა და საქართველოს მთავრობის წევრებს შორის გამართულ შეხვედრაზე მხარეებმა საქართველოში არსებული შიდაპოლიტიკური ვითარება, უსაფრთხოების საკითხები, საქართველო-ევროკავშირის თანამშრომლობის არსებული მდგომარეობა და მომავალში თანამშრომლობის პროგრესულად განვითარების გზების შესახებ იმსჯელეს. შეხვედრის დასრულების შემდეგ მხარეებმა ერთობლივი განცხადება მიიღეს, რომლის რამდენიმე პუნქტი საქართველოს იუსტიციის სამინისტროს მიერ განხორციელებულ რეფორმებსა და წარმატებულ ინიციატივებს ეხება. კერძოდ, აღნიშნულია საქართველოს პროგრესი ხელისუფლების დემოკრატიული გზით გადაცემის, ვიზალიბერალიზაციისა და მართლმსაჯულების სისტემის რეფორმირების პროცესში.
წყარო:
info9.ge