შინაგან საქმეთა მინისტრ ალექსანდრე ჭიკაიძის განცხადებით, დარიალის ხეობაში მეწყერის გამეორების საფრთხე ამ ეტაპზე არ არსებობს.
როგორც ჭიკაიძემ ჟურნალისტებს განუცხადა, მყინვარი გეოლოგების, მთამსვლელების და მაშველების დაკვირვების ქვეშაა.
"გუშინ მთელი ღამის განმავლობაში იყო დაგეგმილი მუშაობა, თუმცა უამინდობის გამო, ეს ვერ მოხერხდა და სამუშაოები დილით, 06:00 საათიდან განახლდა. იჭრება ახალი არხი, სადაც მოხდება წყლის მიმართულების გადაგდება. ასევე ჩვენი მაშველების, გეოლოგებისა და ალპინისტების დაკვირვების ქვეშაა მყინვარი და ის ამ დროისთვის მორიგ საშიშროებას არ წარმოადგენს", - განაცხადა ჭიკაიძემ.
მისივე განმარტებით, სამუშაოები აქტიურად გრძელდება.

წყარო: interpressnews.ge