სლავიანსკის რაიონის სოფელ ოკტიაბრსკოეში, უკრაინის შეიარაღებული ძალების ერთ-ერთი კოლონა გადაადგილებისას ჩაცხრილეს.
"უნიანი" თავდაცვის სამინისტროზე დაყრდნობით იუწყება, რომ ტერორისტებმა უკრაინელ მედესანტეებს ყუმბარმტყორცნებიდან ესროლეს. უწყების ცნობით, სეპარატისტებმა მასშტაბური ცეცხლი დამიზნებით გახსნეს. უკრაინელმა სამხედროებმა ტერორისტებს, რომელთა რაოდენობა 30-ს შეადგენდა, საპასუხო ცეცხლის გაუხსნეს.
აღნიშნული ფაქტის შედეგად, უკრაინის შეიარაღებული ძალების 6 სამხედრო მოსამსახურე დაიღუპა, რვა სამხედრომ სხვადასხვა სახის ჭრილობა მიიღო. ერთი მათგანი მძიმედ არის დაჭრილი. დაჭრილებისა და დაღუპულების ტერიტორიიდან ევაკუირება მოხერხდა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი