ღვინის ეროვნული სააგენტოს მხარდაჭერით, ქართული ვაზისა და ღვინის ისტორიაზე 35-სერიანი შემეცნებით-დოკუმენტური ფილმის გადაღება დაიწყო. ფილმის რეჟისორია ნანა ჯორჯაძე, ავტორი და წამყვანი ქართული ღვინის საპატიო ელჩი შალვა ხეცურიანი, სცენარისტი - თამარ ბართაია. აღნიშნულ თემასთან დაკავშირებით, დღეს სასტუმრო „ქორთიარდ მარიოტში" პრეს-კონფერენცია გაიმართა, რომელშიც ღვინის ეროვნული სააგენტოს თავმჯდომარე ლევან დავითაშვილი, ქართული ღვინის საპატიო ელჩი შალვა ხეცურიანი, ასოციაცია „ქართული ღვინის" აღმასრულებელი დირექტორი თინა კეზელი, რეჟისორი ნანა ჯორჯაძე, სცენარისტი თამარ ბართაია და ინტელექტუალური საკუთრების ეროვნული ცენტრის („საქპატენტი") სასაქონლო ნიშნების და გეოგრაფიული აღნიშვნების დეპარტამენტის თავმჯდომარე გიორგი ქურდიანი მონაწილეობდნენ.
წყარო: info9.ge