ეროვნულ-დემოკრატიული ინსტიტუტი (NDI) ხვალ მედიას წარუდგენს მიმდინარე წლის აპრილში ჩატარებული საზოგადოებრივი აზრის კვლევის შედეგებს, თემაზე "საზოგადოების განწყობა საქართველოში".
როგორც "ინტერპრესნიუსს" NDI-დან აცნობეს, კვლევის პრეზენტაცია 12:00 საათზე, სასტუმროში "ქორთიარდ მარიოტში" გაიმართება. პრეზენტაციაზე მხოლოდ მედია საშუალებები არიან მოწვეული.
NDI-ის კვლევის საველე სამუშაოები ჩატარდა 26 მარტიდან 18 აპრილის პერიოდში, საქართველოს მასშტაბით 3,942 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარებისა და თანამშრომლობის სააგენტო (Sida) და ატარებს CRRC საქართველო.
წყარო:
interpressnews.ge