საქართველოს საგარეო საქმეთა მინისტრის მაია ფანჯიკიძის ვიზიტი ბუდაპეშტში დღეს იწყება. საგარეო საქმეთა სამინისტროს ინფორმაციით, ბუდაპეშტში დაგეგმილია
მაია ფანჯიკიძის მონაწილეობა 28-29 აპრილს გასამართ ვიშეგრადის ოთხეულის (V4 - უნგრეთი, პოლონეთი, სლოვაკეთი, ჩეხეთი) და "აღმოსავლეთ პარტნიორობის" ქვეყნების საგარეო საქმეთა მინისტრების შეხვედრაში.
მინისტერიალის პლენარულ შეხვედრაზე დაგეგმილია მაია ფანჯიკიძის სიტყვით გამოსვლა, თემაზე "აღმოსავლეთ პარტნიორობა - საშუალოვადიანი მიზნები ვილნიუსიდან რიგამდე". ასევე, იგეგმება საქართველოს საგარეო საქმეთა მინისტრის შეხვედრა თავის უნგრელ კოლეგასთან და ევროკომისართან სამეზობლო პოლიტიკისა და გაფართოების საკითხებში შტეფან ფულესთან.
წყარო:
interpressnews.ge