"ერთიანი ნაციონალური მოძრაობა" თბილისსა და საქართველოს ყველა დიდ ქალაქში, წინასაარჩევნო კამპანიის ფარგლებში ფართომასშტაბიან შეხვედრებს გამართავს, - ამის შესახებ "რუსთავი 2"-ის გადაცემა "პოზიციაში" პარტიის ერთ-ერთმა ლიდერმა ნუგზარ წიკლაურმა განაცხადა.
მისი თქმით, ყველაზე ფართომასშტაბიანი შეხვედრა თბილისში ჩატარდება. "ახლა დაიწყება აქტიური შეხვედრები პარტიის ლიდერების. იქნება პრეზენტაციები, რომელიც ზუგდიდში გავხსენით მრავალრიცხოვანი მიტინგით. უკლებლივ ყველა დიდ ქალაქში გვექნება დიდი გამოსვლები და გამონაკლისი არ იქნება თბილისი, სადაც ყველაზე ფართომასშტაბიანი შეხვედრა გაიმართება", - აღნიშნა წიკლაურმა.

წყარო: interpressnews.ge