საქართველოს პარლამენტის ევროპასთან ინტეგრაციის კომიტეტის თავმჯდომარე ვიქტორ დოლიძე გაერთიანებული სამეფოს "ლიბერალ-დემოკრატების"
მიერ ორგანიზებულ ლიბერალთა საერთაშორისო კონგრესში მიიღებს მონაწილეობას.
საერთაშორისო კონგრესი 24-27 აპრილს როტერდამში, ნიდერლანდების სამეფოში გაიმართება.
კონგრესის ფარგლებში დაგეგმილია მაღალი რანგის შეხვედრები ისლანდიისა და ნიდერლანდების სამეფოს პრემიერ-მინისტრებთან, ასევე ბრიტანეთის, დანიისა და გერმანიის მაღალი რანგის ოფიციალურ პირებთან.
აღმოსავლეთ პარტნიორობის წევრი ქვეყნებიდან, საქართველოსთან ერთად, კონგრესში მონაწილეობას მიიღებს მოლდოვას დელეგაცია, რომელიც ლიბერალური და ლიბერალ-რეფორმისტთა პარტიების წარმომადგენლებისგან შედგება.
საქართველოს დელეგაციის შემადგენლობაში ასევე არიან დეპუტატები - ნინო გოგუაძე, ლევან ბერძენიშვილი და "რესპუბლიკური პარტიის" წევრები - ხათუნა სამნიძე და გიორგი მასალკინი.
წყარო:
interpressnews.ge