23 აპრილს ცენტრალურ საარჩევნო კომისიაში პოლიტიკური პარტიების წარმომადგენლებთან შეხვედრა გაიმართა. შეხვედრას ადგილობრივი არასამთავრობო და საერთაშორისო ორგანიზაციების წარმომადგენლებიც ესწრებოდნენ. ცესკოს თავმჯდომარე თამარ ჟვანიამ მონაწილეებს კომისიაში მიმდინარე აქტივობების შესახებ გააცნო ინფორმაცია და 2014 წლის თვითმმართველობის არჩევნებისთვის მზადების პროცესის დეტალების შესახებაც ისაუბრა. მხარეებმა სხვა მნიშვნელოვან საკითხებთან ერთად, საუბნო საარჩევნო კომისიების დაკომპლექტების პროცედურები და ვადები, კომისიის მიერ დაინტერესებული მხარეებისთვის დაგეგმილი ტრენინგები და საარჩევნო სიებთან დაკავშირებული საკითხებიც განიხილეს.
წყარო: info9.ge