კოალიციაში ადგილობრივი არჩევნებისთვის საკრებულოს წევრობის კანდიდატთა უმრავლესობა შეთანხმებულია, - ამის შესახებ ჟურნალისტებს კოალიცია "ქართული ოცნების" ერთ-ერთმა ლიდერმა, "რესპუბლიკელმა" დეპუტატმა დავით ბერძენიშვილმა განუცხადა.
"მიმდინარეობს თითოეულ საკრებულოში კანდიდატების შერჩევის შეჯერების პროცესი. საკრებულოებში 1 053 მაჟორიტარია ასარჩევი. კანდიდატდთა ძირითადი ნაწილი უკვე შეთანხმებულია და თითქმის ბოლომდე ვართ გასული. სამუშაო პროცესი გრძელდება, პროცესი არის რთული და საქმიანი", - განუცხადა ჟურნალისტებს დავით ბერძენიშვილმა.
ამასთან მან კიდევ ერთხელ განმარტა, რომ საარჩევნო სიებში დეპუტატებოს კანდიდატთა 50% იქნება პარტია "ქართული ოცნების" წარმომადგენელი, ხოლო დანარჩენ 50%-ის წარმოადგენენ კოალიციის დანარჩენი პარტიები. რაც შეეხება მაჟორიტარი კანდიდატების შერჩევას, დაით ბერძენიშვილის თქმით, ისინი კონკურენტუნარიანობის მიხედვით შეირჩევიან.



წყარო: interpressnews.ge