საპარლამენტო უმცირესობის წევრი გიორგი თევდორაძე წყალტუბოს რაიონში სოფლის რწმუნებულების გათავისუფლებას აპროტესტებს.
დღეს გამართულ საგანგებო ბრიფინგზე თევდორაძემ განაცხადა, რომ წყალტუბოში შვიდი სოფლის რწმუნებული თანამდებობიდან გაათავისუფლეს. მისივე თქმით, მიუხედავად იმისა, რომ არჩევნებამდე თვითმმართველობებში რაიმე კონკურსის ჩატარება წარმოუდგენელია, წყალტუბოს მუნიციპალიტეტის საკრებულომ კონკურსი უკვე ჩაატარა და სოფლის რწმუნებულები გაათავისუფლა. თევდორაძის თქმით, ის ადამიანები გაათავისუფლეს, რომლებიც "ნაციონალურ მოძრაობას" უჭერდნენ მხარს.
როგორც თევდორაძე აცხადებს, ეს კიდევ ერთხელ ადასტურებს, რომ "ქართული ოცნება" შემცირებული რეიტრინგისა და ქვეყანაში მიმდინარე პროცესების გამო, საფრთხეს გრძნობს და შედეგის მისაღწევად ყოველგვარი კანონიერებისაგან დისტანცირებულ გადაწყვეტილებებს იღებს.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი