საქართველოს გარემოსა და ბუნებრივი რესურსების დაცვის სამინისტროში სოლიკო ვირსალაძის ხელოვნების სკოლის მოსწავლეთა
დაჯილდოების ცერემონიალი გაიმართა, რომლებმაც მონაწილეობა გარემოს ეროვნული სააგენტოს მიერ გამოცხადებულ კონკურსში მიიღეს.
გარემოსა და ბუნებრივი რესურსების დაცვის მინისტრმა ხათუნა გოგალაძემ ნახატების კონკურსის "წყლის მნიშვნელობა ადამიანის ცხოვრებაში" მონაწილეები სპეციალური პრიზებითა და სამახსოვრო სიგელებით დააჯილდოვა.
სამინისტროს ინფორმაციით, წყლის საერთაშორისო დღესთან დაკავშირებით მოწყობილ აქციაში სოლიკო ვირსალაძის სამხატვრო ხელოვნების სკოლის 20-მა მოსწავლემ მიიღო მონაწილეობა. ნახატების კონკურსში მონაწილეთა ნამუშევრები გარემოსა და ბუნებრივი რესურსების დაცვის სამინისტროსა და გარემოს ეროვნული სააგენტოს ოფიციალურ "ფეისბუქ" გვერდებზე აიტვირთა. 10 დღის განმავლობაში დაგროვილი "მოწონებების" რაოდენობის მიხედვით სამი გამარჯვებული გამოვლინდა.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი