შსს-ს მომსახურების სააგენტო დუბლინში მძღოლთა ტესტირების საერთაშორისო კომიტეტის კონგრესზე მიიწვიეს
საქართველოს შინაგან საქმეთა სამინისტროს მომსახურების სააგენტოს დელეგაცია ახლადგაწევრიანებული ქვეყნის სტატუსით ირლანდიის ქალაქ დუბლინში, 5-6 ივნისს მძღოლთა ტესტირების საერთაშორისო კომიტეტის (CIECA) 46-ე გენერალურ ასამბლეას დაესწრება, რომელიც მართვის მოწმობის თეორიული და პრაქტიკული გამოცდების ტექნოლოგიებს ეძღვნება. ასამბლეაში მსოფლიოს 36 ქვეყანა მონაწილეობს. აღნიშნულ ღონისძიებაზე იგეგმება კომიტეტის წევრი ქვეყნებისთვის ქართული მხარის გაცნობა, სააგენტოს წარმომადგენლების სიტყვით გამოსვლა და შსს-ს მომსახურების სააგენტოში განხორციელებული და მიმდინარე პროექტების პრეზენტაცია.
წყარო:
info9.ge