უჩა ნანუაშვილი – როდესაც დეპუტატზე ძალადობა ხდება, ეს ცუდად აისახება ქვეყნის იმიჯზე
სახალხო დამცველი, უჩა ნანუაშვილი დეპუტატ ნუგზარ წიკლაურის ცემის ფაქტს ეხმიანება და მიაჩნია, რომ ნებისმიერი მსგავსი ფაქტები ზოგადად ქვეყნის იმიჯზე ცუდად აისახება.
როგორც სახალხო დამცველმა დღეს გამართულ ბრიფინგზე განაცხადა, მნიშვნელოვანია, რომ გამოძიება იყოს ეფექტური და დროული, ძალიან მალე გაეცეს ყველა იმ კითხვას პასუხი, რაც ამ საქმესთან დაკავშირებით არსებობს.
"ეს არის ძალიან სამწუხარო ფაქტი, როდესაც დეპუტატზე ხდება ძალადობა, ზეწოლა, თუმცა არ ვიცი, რა მიზნით. მსგავსი ფაქტები არის შემაშფოთებელი და ეს სამწუხაროდ, ცუდად აისახება ზოგადად ქვეყნის იმიჯზე", - მიაჩნია ომბუდსმენს.
დეპუტატ ნუგზარ წიკლაურს წუხელ ფიზიკურად გაუსწორდნენ. დეპუტატის თქმით, მას სახლთან სამი მანქანით რამდენიმე ნიღბიანი დახვდა, რომელთაც მისი გატაცება სცადეს. წიკლაურის თქმით, თავდამსხმელებმა ელექტროშოკიც გამოიყენეს.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი