საქართველოში 16-17 მარტს ავღანეთის ისლამური რესპუბლიკის საგარეო საქმეთა მინისტრის ოფიციალური ვიზიტი შედგება.
საქართველოს საგარეო საქმეთა სამინისტროს ინფორმაციით, ზარარ აჰმად ოსმანი საქართველოში დელეგაციასთან ერთად ჩამოვა.
"17 მარტს, 10:00 საათზე გაიმართება შეხვედრა საქართველოს საგარეო საქმეთა მინისტრთან, მაია ფანჯიკიძესთან, რომლის დროსაც განხილულ იქნება საქართველო-ავღანეთს შორის ორმხრივი თანამშრომლობის განვითარების საკითხები. 11:00 საათზე მინისტრები ერთობლივ პრესკონფერენციას გამართავენ.
ვიზიტის ფარგლებში შედგება ავღანეთის საგარეო საქმეთა მინისტრის შეხვედრები საქართველოს პრეზიდენტთან, პრემიერ-მინისტრთან და თავდაცვის მინისტრთან",-ნათქვამია საქართველოს საგარეო უწყების ინფორმაციაში.

წყარო: interpressnews.ge