სამხრეთ კავკასიაში ეუთო-ს სპეციალური წარმომადგენლის ანჯელო გნედინგერის ვიზიტი საქართველოში დასრულდა. ვიზიტი 24-28 თებერვალს გაიმართა.
როგორც "ინტერპრესნიუსს" შვეიცარიის საელჩოდან აცნობეს, ვიზიტის განმავლობაში ელჩ ანჯელო გნედინგერს კონსულტაციები საქართველოს სამინისტროების მაღალი თანამდებობის პირებთან, გენერალურ პროკურორთან, ევროკავშირის სადამკვირვებლო მისიასთან, საერთაშორისო წითელი ჯვრის კომიტეტთან, სამოქალაქო საზოგადოების ორგანიზაციებთან და დიპლომატიური კორპუსის წარმომადგენლებთან ჰქონდა.
გუშინ ელჩმა ანჯელო გნედინგერმა და საქართველოში ევროკავშირის სადამკვირვებლო მისიის ხელმძღვანელმა ტოივო კლაარმა ერგნეთში ინციდენტების პრევენციებისა დ მათზე რეაგირების მექანიზმის ფარგლებში გამართულ შეხვედრაში მიიღეს მონაწილეობა.
წყარო:
interpressnews.ge