საქართველოს რეგიონული განვითარებისა და ინფრასტრუქტურის სამინისტროში ხვალ, მინისტრი დავით ნარმანია 2014 წლის სამოქმედო გეგმის პრეზენტაციას გამართავს.
როგორც "ინტერპრესნიუსს" საქართველოს რეგიონული განვითარებისა და ინფრასტრუქტურის სამინისტროდან აცნობეს, პრეზენტაციაზე წარმოდგენილი იქნება სამინისტროს მიერ 2014 წელს განსახორიცლებელი პროექტების შესახებ ინფორმაცია, მათ შორის, ჩქაროსნული ავტომაგისტრალის ახალი ლოტების მშენებლობა, წყალმომარაგების კუთხით დაგეგმილი სამუშოები, სხვა მიმართულებები.
"საქართველოს რეგიონული განვითარებისა და ინფრასტრუქტურის სამინისტროს 2014 წლის სამოქმედო გეგმის ძირითადი მიმართულებებია: რეგიონებისა და ინფრასტრუქტურის განვითარების პოლიტიკის შემუშავება და მართვა; საგზაო ინფრასტრუქტურის გაუმჯობესების ღონისძიებები; რეგიონული და მუნიციპალური ინფრასტრუქტურის რეაბილიტაცია; იძულებით გადაადგილებული პირების მხარდაჭერა", _ აცხადებენ სამინისტროში.
წყარო:
interpressnews.ge