ჩვენი პოლიტიკის მთავარი ამოსავალი არის საქართველოს ევროპულ ქვეყნად ჩამოყალიბება, - ამის შესახებ საქართველოს პრეზიდენტმა გიორგი მარგველაშვილმა ჟურნალისტებთან საუბრისას განაცხადა.
პრეზიდენტმა 2014 წლის პრიორიტეტებზე საუბრის კონტექსტში აღნიშნა, რომ ქვეყნის განვითარების კურსი არის მეტი დემოკრატიზაცია, უფრო პასუხისმგებლიანი და უფრო ეფექტური მმართველობა და საქართველოს ევროპულ ქვეყნად ჩამოყალიბება.
"რა თქმა უნდა, მთავარი ამოსავალი ჩვენი პოლიტიკის არის საქართველოს ევროპულ ქვეყნად ჩამოყალიბება და ამისი ფორმალური დადასტურების მიღწევა უახლოეს მომავალში, რომელიც არის უკვე პარაფირებული ასოცირების ხელშეკრულების ხელმოწერა", - აღნიშნა გიორგი მარგველაშვილმა.

წყარო: interpressnews.ge