საქართველოს პრემიერ-მინისტრმა, ირაკლი ღარიბაშვილმა მთავრობის კანცელარიის რეგიონებთან და ადგილობრივ თვითმმართველ ორგანოებთან
ურთიერთობის დეპარტამენტის ახალ უფროსად აკაკი ჩხენკელი წარადგინა.
მისი თქმით, აკაკი ჩხენკელი პროფესიით ეკონომისტია. კვალიფიკაცია აქვს გავლილი ამერიკის შეერთებულ შტატებში, პენტაგონში, ასევე გერმანიაში, ჯორჯ მარშალის სახელობის ეროვნულ ცენტრში.
"ბოლო ერთი წელი ერთად ვიმუშავეთ და მე ძალიან მადლიერი ვარ მისი. ის არის მაღალი დონის სპეციალისტი და ღირსეულად გაართმევს თავს დაკისრებულ მოვალეობას ", - განაცხადა ღარიბაშვილმა.
კანცელარიის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტის უფროსის პოსტი აქამდე ირაკლი მელაშვილს ეკავა.
წყარო:
interpressnews.ge