საქართველოს საგარეო საქმეთა მინისტრი მაია ფანჯიკიძე დღეს ოფიციალური ვიზიტით რუმინეთს ეწვევა.
როგორც "ინტერპრესნიუსს" საგარეო უწყებიდან აცნობეს, ვიზიტის ფარგლებში საქართველოს საგარეო საქმეთა მინისტრი რუმინელ კოლეგას ტიტუს კორლეცეანს შეხვდება, რის შემდეგაც ერთობლივი პრესკონფერენცია გაიმართება. მაია ფანჯიკიძე და ტიტუს კორლეცეანი ასევე ერთობლივ ინტერვიუს მისცემენ რუმინეთის სახელმწიფო ტელევიზიას.
მაია ფანჯიკიძე რუმინეთის პარლამენტის სენატის თავმჯდომარე კრინ ანტონესკუს და დეპუტატთა პალატის თავმჯდომარე ვალერიუ ზგონეასაც შეხვდება.
ვიზიტის დასასრულს, საქართველოსა და რუმინეთის საგარეო საქმეთა მინისტრები მონაწილეობას მიიღებენ რუმინეთის წამყვანი სამეცნიერო-კვლევითი ცენტრის "ტიტულესკუს სახელობის ევროპული ფონდის" მიერ ორგანიზებულ დისკუსიაში - საქართველოს საგარეო პოლიტიკის პრიორიტეტების შესახებ.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი