საქართველოს თავდაცვის სამინისტროს დელეგაცია ოფიციალური ვიზიტით ისრაელში გაემგზავრა.
როგორც "ინტერპრესნიუსს" თავდაცვის სამინისტროდან აცნობეს, ორდღიანი ვიზიტის ფარგლებში, საქართველოს თავდაცვის მინისტრი ირაკლი ალასანია შეხვედრას ებრაელ კოლეგასთან მოშე იაალონთან გამართავს. ქართული დელეგაციის დახვედრის ოფიციალური ცერემონიალი ისრაელის თავდაცვის სამინისტროში გაიმართება.
დაგეგმილია ასევე შეხვედრები ისრაელის ეროვნული უშიშროების მრჩეველთან იოსი კოენთან და თავდაცვის სამინისტროს სამხედრო-პოლიტიკური ბიუროს ხელმძღვანელთან ამოს გილადთან.
თავდაცვის სამინისტროს დელეგაციის ვიზიტი ისრაელში 8 დეკემბერს დასრულდება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი