თუ გვინდა სვანეთი გადარჩეს, მნიშვნელოვანია ხუდონის პროექტი განხორციელდეს, - ამის შესახებ ენერგეტიკის მინისტრმა კახი კალაძემ ტელეკომპანია "იმედის" გადაცემა "ღია ეთერში" განაცხადა. მისი თქმით, ის ნამდვილად ვერ დაარქმევდა არსებულ ვითარებას მოსახლეობის განწყობას, რადგან ეს გარკვეული ჯგუფის ინტერესია.
"ხუდონის პროექტი ადვილი პროექტი არ არის, მაგრამ ეს არ ნიშნავს, რომ წინააღმდეგობების გამო ჩვენ უარი უნდა ვთქვათ ყველაფერზე. ინტერესი არის ხე-ტყის უკანონო ჭრა და ჩვენ თუ გვინდა გადავარჩინოთ სვანეთი, გადარჩეს სვანეთის მოსახლეობა, ამისთვის მნიშვნელოვანია განხორციელდეს ხუდონის ჰიდროელექტროსადგურის პროექტი", - აღნიშნა კახი კალაძემ.
მისივე ინფორმაციით, რეგიონში უკანონო სახერხებია და მთელი ნაგავი ენგურში ჩადის, მაგრამ ხელისუფლება ამას აუცილებლად მიხედავს. "ჩვენ ვართ სახელმწიფო და ასეთი მნიშვნელოვანი პროექტები უნდა განხორციელდეს", - დასძინა მან.

წყარო: interpressnews.ge