ზურაბ ჭიაბერაშვილს საკუთარი შემოხაზული ბიულეტენის ფოტოს "ფეისბუქში" დადებისთვის უჩივლეს
სხდომაზე ცენტრალურმა საარჩევნო კომისიამ ადგილობრივი დამკვირვებელი ორგანიზაცია ,,მწვანე დედამიწის“ 27 ოქტომბრის განცხადება განიხილა. ცესკოს ინფორმაციით, როგორც მომჩივანმა აღნიშნა, №5 ისნის სააჩევნო ოლქის №76 უბანზე ზურაბ ჭიაბერაშვილმა საარჩევნო კაბინაში შემოხაზა საარჩევნო ბიულეტენი, ფოტო გადაუღო და სოც. ქსელის (ფეისბუქის) საკუთარ გვერდზე ატვირთა. ვინაიდან, საარჩევნო კანონმდებლობის შესაბამისად „კენჭისყრის ფარულობის უზრუნველსაყოფად კენჭისყრის კაბინაში ფოტო-ვიდეო გადაღება აკრძალულია“ მოთხოვნილი იყო აღნიშნულ ფაქტზე რეაგირება და №76 საუბნო საარჩევნო კომისიის თავმჯდომარის პასუხისმგებლობის საკითხის დაყენება. კომისიამ განცხადება სამართლებრივი უსაფუძვლობის გამო დარღვევის ნაწილში არ დააკმაყოფილა, ხოლო საუბნო საარჩევნო კომისიის თავმჯდომარის მიმართ დისციპლინური პასუხისმგებლობის დაკისრების ნაწილში განუხილველი დატოვა.
წყარო:
info9.ge