ბიძინა ივანიშვილი ეუთოს საპარლამენტო ასამბლეის სადამკვირვებლო მისიის წარმომადგენლებს შეხვდა
საქართველოს პრემიერ-მინისტრი ეუთო-ს საპარლამენტო ასამბლეის სადამკვირვებლო მისიის წარმომადგენლებს შეხვდა.
ბიძინა ივანიშვილის "ფეისბუქის" ოფიციალურ გვერდზე განთავსებული ინფორმაციის თანახმად, პრემიერმა ილკა კანერვა და ჟოაო სუარესი ბიზნესცენტრში მიიღო.
მხარეებმა 27 ოქტომბრის საპრეზიდენტო არჩევნების შესახებ ისაუბრეს. პრემიერ-მინისტრის განცხადებით, საქართველოს მთავრობა უდიდეს მნიშვნელობას ანიჭებს საპრეზიდენტო არჩევნებს და მისი მიზანია გამჭვირვალე, საერთაშორისო სტანდარტებისა და საუკეთესო ევროპული პრაქტიკის შესაბამისი საპრეზიდენტო არჩევნების ჩატარება.
საუბარი შეეხო ეუთო-ს დემოკრატიული ინსტიტუტების როლს სადამკვირვებლო მისიის შესრულებაში. მხარეებმა იმედი გამოთქვეს, რომ 27 ოქტომბრის არჩევნები დღემდე ჩატარებულ არჩევნებს შორის საუკეთესო იქნება.
წყარო:
interpressnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი