დაისვენე კურორტ ახალდაბაში
დაისვენე სასტუმრო „ლუტრეზიში“
დავით ზალკალიანი - გერმანიის როლი და სიტყვა ევროკავშირში ინტეგრაციის და ევროატლანტიკური ინტეგრაციის კუთხით ძალიან მნიშვნელოვანია
ავტორი:
2018/ივლისი/02 22:00:01
../photo/2015_02/0-00-1AAAAAAAIVL/zalkalianigermania.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/501482-davith-zalkaliani-germaniis-roli-da-sityva-evrokavshirshi-integraciis-da-evroatlantikuri-integraciis-kuthkhith-dzalian-mnishvnelovania.html", "headline": " დავით ზალკალიანი - გერმანიის როლი და სიტყვა ევროკავშირში ინტეგრაციის და ევროატლანტიკური ინტეგრაციის...", "datePublished": "2018-07-02 17:47:48", "dateModified": "2018-07-02 17:47:48", "description": "გერმანელ კოლეგასთან შეხვედრაზე ნატო-ს სამიტთან დაკავშირებით საქართველოს მოლოდინები გავაჟღერე, - ამის...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-00-1AAAAAAAIVL/zalkalianigermania.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } გერმანელ კოლეგასთან შეხვედრაზე ნატო-ს სამიტთან დაკავშირებით საქართველოს მოლოდინები გავაჟღერე, - ამის შესახებ საქართველოს საგარეო საქმეთა მინისტრმა, დავით ზალკალიანმა განაცხადა.

მისივე თქმით, ახალი მთავრობის დამტკიცების შემდგომ საგარეო საქმეთა მინისტრის რანგში პირველი ვიზიტის გერმანიაში განხორციელება მიუთითებს, თუ რაოდენ დიდი მნიშვნელობა აქვს გერმანიასთან საქართველოს ურთიერთობას და ასევე გერმანიის როლს საქართველოს ევროპული და ევროატლანტიკური ინტეგრაციის პროცესში, რაც საქართველოს მთავრობის გაცხადებული პრიორიტეტია.

ზალკალიანის განცხადებით, გერმანიის როლი და სიტყვა ევროკავშირში ინტეგრაციის და ევროატლანტიკური ინტეგრაციის კუთხით ძალიან მნიშვნელოვანია და ეს ვიზიტი ამ მიმართულებით აქტიურად იქნება გამოყენებული.

“ბუნებრივია, ეს ვიზიტი ნატო-ს სამიტის თვალსაზრისითაც იქნება გამოყენებული. საგარეო საქმეთა მინისტრთან შეხვედრაზე ვისაუბრეთ იმ მოლოდინებზე, რა მოლოდინებიც ჩვენ გვაქვს. კერძოდ, პირველი ის, რომ პროგრესი, რომელიც საქართველოს აქვს ნატო-ში ინტეგრაციის კუთხით, თავდაცვის სფეროში რეფორმები, პოლიტიკური, ეკონომიკური, დემოკრატიული კუთხით რეფორები, რომელსაც ასევე ძალიან მაღალ შეფასებას აძლევენ ჩვენი პარტნიორები, ნატო-ს მომავალ სამიტზე სწორედ ღია კარის პოლიტიკიაში უნდა ითარგმნოს. ჩვენ ვითხოვთ ამ რეალობის ადეკვატურ შეფასებას პარტნიორების მხრიდან. მეორე მოლოდინი გახლავთ ჩვენი სათანადო მონაწილეობა შესაბამის ფორმატებში. ეს არის ასევე ერთ-ერთი ძალიან მნიშვნელოვანი მიმართულება და ჩვენ ამ მიმართულებით ძალიან აქტიურად ვმუშაობთ და ვფიქრობთ, რომ გვექნება შედეგები და მესამე მიმართულება, ეს გახლავთ შავი ზღვის რეგიონში თანამშრომლობა, შავი ზღვის რეგიონი არის ნატო-ს ყურადღების ცენტრში, ჩვენ მთელი მოსამზადებელი პერიოდი გამოვიყენეთ იმისთვის, რომ ჩვენი ხედვა და წინადადებები მიგვეცა პარტნიორებისთვის, ერთად განგვეხილა და გვემსჯელა თუ რა შეიძლება იყოს გადატანილი პრაქტიკულ განზომილებაში და აქაც ველით, რომ გვექნება მნიშვნელოვანი შედეგები“, - განაცხადა ზალკალიანმა გერმანელ კოლეგასთან გამართული შეხვედრის შეფასებისას.

მინისტრის განცხადებით, ევროპული და ევროატლანტიკური ინტეგრაციის მიმართულებით საქართველოს აქვს გერმანიის სერიოზული მხარდაჭერა.
დავით ზალკალიანის თქმით, გერმანიის მხარე პოზიტიურად აფასებს და მადლობელია იმ ქმედებების, რაც საქართველომ გაატარა უვიზო მიმოსვლის პროცესში წარმოქმნილი ხარვეზების აღმოსაფხვრელად.

მინისტრის განცხადებით, ამჟამად ფიქსირდება პოზიტიური დინამიკა, როგორც თავშესაფართა მაძიებლების, ასევე კრიმანილური სტატისტიკის მიმართულებით.

“ამ მონაპოვარს სჭირდება გაფრთხილება და გერმანელები აფასებენ იმ ნაბიჯებს, რაც გადავდგით გერმანიასთან მიმართებაში, როცა მათი მხრიდან გარკვეული წუხილი დაფიქსირდა. ამჟამად გვაქვს უაღრესად პოზიტიური დინამიკა და კიდევ ერთხელ გამოითქვა იმედი, რომ ეს პოზიტიური დინამიკა მომავალშიც იქნება შენარჩუნებული“, - აღნიშნა ზალკალიანმა.

საგარეო საქმეთა მინისტრის თქმით, გერმანიაში შეხვედრების უმთავრესი თემა ასევე გახლავთ საქართველოს ოკუპირებული რეგიონები და რუსეთ-საქართველოს კონფლიქტი. მისი თქმით, გერმანიის მხრიდან კიდევ ერთხელ დაფიქსირდა მკაფიო მხარდაჭერა ამ მიმართულებით.

“გერმანია, რომელიც მნიშვნელოვან როლს თამაშობს სხვადასხვა საერთაშორისო სამშვიდობო ფორმატებში ადასტურებს იმას, რომ შენარჩუნდება საქართველოს საკითხის ასევე აქტიურად განხილვა საერთაშორისო ასპარეზზე“, - განაცხადა ზალკალიანმა.

მისი განცხადებით, ასევე საუბარი შეეხო ორმხრივი ვიზიტების მნიშვნელობას და ქართული მხარე მიმართავს დიპლომატიურ ძალისხმევას, რომ შენარჩუნებული იქნას მაღალი დონის ვიზიტების დინამიკა, რაც უდაოდ ხელს უწყობს საქართველო-გერმანიის ურთიერთობების შემდგომ განვითარებას.


წყარო: interpressnews.ge
'.$TEXT['print'].'
სულ ნანახია - 498
სხვა ამბები
ბოლოს იხილეს
მსგავსი სიახლეები
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია