საქართველოს პრეზიდენტის, მიხეილ სააკაშვილის განცხადებით, ახალმა მთავრობამ ქუთაისის პარლამენტის შენობა საძოვრად გადააქცია.
ეს განცხადება მიხეილ სააკაშვილმა, ქუთაისში, პარლამენტის შენობასთან გააკეთა.
"პარლამენტის ამხელა შენობა ჩვენ პრაქტიკულად 1 წელიწადში ავაშენეთ. 1 თვე უნდოდა კიდევ, რომ გარშემო ტერიტორია მოწესრიგებულიყო. იმის მაგივრად, რომ ეს ტერიტორია მოწესრიგებულიყო, პარკი გაეკეთებინათ ქუთაისელებისთვის, ტბა, უამრავი რაღაც იყო დაგეგმილი, გადაქცეულია საძოვრად. გუშინ, აქ რომ გადავიფრინე, თივის ზვინებით იყო გარემოცული. დღეს რომ მოვდიოდი, დილიდან წაიღეს აქედან. რა მნიშვნელობა აქვს, გაიხედეთ, ძროხებით არის სავსე აქაურობა. მსოფლიოს ყველაზე ლამაზი პარლამენტი თანდათან საძოვრად გადაიქცა", - განაცხადა სააკაშვილმა.
წყარო:
interpressnews.ge