../photo/2015_02/0-00-1NOEM-2016/kobaxidze7.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/491092-irakli-kobakhidze-im-socialur-fons-romelic-chamoyalibebulia-susti-ekonomikidan-gamomdinare-prezidenti-iyenebs-borotad-spekulirebisthvis.html", "headline": "ირაკლი კობახიძე - იმ სოციალურ ფონს, რომელიც ჩამოყალიბებულია სუსტი ეკონომიკიდან გამომდინარე, პრეზიდენ...", "datePublished": "2018-05-02 18:05:24", "dateModified": "2018-05-02 18:05:24", "description": "იმ სოციალურ ფონს, რომელიც ჩამოყალიბებულია სუსტი ეკონომიკიდან გამომდინარე, პრეზიდენტი იყენებს ბოროტად...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-00-1NOEM-2016/kobaxidze7.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } იმ სოციალურ ფონს, რომელიც ჩამოყალიბებულია სუსტი ეკონომიკიდან გამომდინარე, პრეზიდენტი იყენებს ბოროტად სპეკულირებისთვის, რაც ძალიან ცუდი მოვლენაა, - ამის შესახებ პარლამენტის თავმჯდომარემ, ირაკლი კობახიძემ პარლამენტის სხდომაზე განაცხადა.

პრეზიდენტის არაობიექტურობაზე საუბრისას, პარლამენტის თავმჯდომარე შეეხო ეკონომიკური მაჩვენებლების არსებულ სტატისტიკას და აღნიშნა, რომ „თბილისში, 2012 წლის შემდეგ, 2,5-ჯერ არის გაზრდილი ავტომობილების რაოდენობა და ბუნებრივია, რომ ავტომობილის შეძენა შეუძლებელია, თუ ეკონომიკური ზრდა და შემოსავლების ზრდა არ არის მოსახლეობაში“.

„ასევე, 2012 წლის შემდეგ 100 ათასით გაიზარდა დაქირავებით დასაქმებულთა მაჩვენებელი. ადამიანები იხდიან 71%-ით მეტ საშემოსავლო გადასახადს, ვიდრე ისინი იხდიდნენ 2012 წელს, აქაც გვაქვს შემოსავლების მნიშვნელოვანი ზრდა დაფიქსირებული. ეს ნიშნავს იმას, რომ თითქმის 6 მილიარდით არის გაზრდილი ფიზიკური პირების დასაბეგრი შემოსავლები. ეს უნდა იცოდეს საქართველოს პრეზიდენტმა, თუმცა ის იმ სოციალურ ფონს, რომელიც ჩამოყალიბებულია სუსტი ეკონომიკიდან გამომდინარე, იყენებს ბოროტად სპეკულირებისთვის, რაც ძალიან ცუდი მოვლენაა“, - განაცხადა კობახიძემ და დასძინა, რომ „კიდევ რამდენიმე წელი დასჭირდება სიღარიბის სრულად აღმოფხვრას“.

კობახიძის თქმით, პრეზიდენტის კრიტიკა რომ საფუძველს იყო მოკლებული, ამის საუკეთესო მაგალითი განათლების სისტემაზე გაკეთებული მისი განცხადება იყო დღევანდელი გამოსვლიდან. „პრეზიდენტმა აღნიშნა, რომ 2013 წლის შემდეგ არაფერი გაკეთებულა ამ სისტემაში. ყველაფერს რომ თავი დავანებოთ, 74%-ით გაიზარდა დაფინანსება 2013 წლის შემდეგ განათლების სისტემაში. მეცნიერთა ხელფასები გაიზარდა 2,5-ჯერ. სამეცნიერო კვლევების დაფინანსება გაიზარდა 52%-ით, კურსდამთავრებულთა დასაქმების მაჩვენებელი გაიზარდა 33%-დან 56%-მდე.

უმჯობესდება ინფრასტრუქტურა, მათ შორის ჩვენი საერთაშორისო, ამერიკელი და სხვა პარტნიორების მხარდაჭერით. არაფერი გაკეთებულა განათლების სისტემაში - ეს გამონათქვამი არის ილუსტრაცია იმისა, თუ რამდენად არაობიექტური და მიკერძოებული იყო გიორგი მარგველაშვილი თავის გამოსვლაში“, - განაცხადა კობახიძემ.


თემა: პრეზიდენტის გამოსვლა პარლამენტში ირაკლი კობახიძე - ჩვეულებრივ პრაქტიკად იქცა გიორგი მარგველაშვილის მხრიდან დამოუკიდებელ ინსტიტუტებსა და ორგანოებში საკუთარი თანამშრომლების დანიშვნა
წყარო: interpressnews.ge