დაისვენე კურორტ ახალდაბაში
დაისვენე სასტუმრო „ლუტრეზიში“
მიხეილ ჯანელიძე - საქართველო დაინტერესებულია ასოცირებული ქვეყნების მიერ ევროკავშირთან თანამშრომლობის ბენეფიტების სამმხრივ ფორმატებში გამოყენებით
ავტორი:
2018/თებერვალი/17 16:30:02
../photo/2015_02/0-00-1AAAAATEB/janelidzeulianovichi.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/478826-mikheil-janelidze-saqarthvelo-dainteresebulia-asocirebuli-qveynebis-mier-evrokavshirthan-thanamshromlobis-benefitebis-sammkhriv-formatebshi-gamoyenebith.html", "headline": "მიხეილ ჯანელიძე - საქართველო დაინტერესებულია ასოცირებული ქვეყნების მიერ ევროკავშირთან თანამშრომლობის...", "datePublished": "2018-02-17 12:35:37", "dateModified": "2018-02-17 12:35:37", "description": "საქართველო და მოლდოვა დაინტერესებულნი არიან ასოცირებულმა ქვეყნებმა ევროკავშირთან თანამშრომლობის შესა...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-00-1AAAAATEB/janelidzeulianovichi.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } საქართველო და მოლდოვა დაინტერესებულნი არიან ასოცირებულმა ქვეყნებმა ევროკავშირთან თანამშრომლობის შესაძლებლობები სამმხრივ ფორმატშიც გამოიყენონ, - ამის შესახებ საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ და მოლდოვის საგარეო საქმეთა და ევროპული ინტეგრაციის მინისტრმა ტუდორ ულიანოვიჩმა მიუნხენში უსაფრთხოების კონფერენციის ფარგლებში გამართული შეხვედრისას ისაუბრეს.

საქართველოს საგარეო საქმეთა სამინისტროს პრესსამსახურის ინფორმაციით, მინისტრებმა ამ კონტექსტში განიხილეს ევროკავშირთან თავისუფალი სავაჭრო რეჟიმის შესაძლებლობების ეფექტური გამოყენება არა მხოლოდ ევროკავშირთან ასოცირებული ქვეყნების ორმხრივი ურთიერთობების ფორმატში, არამედ სამმხრივ ფორმატში, რაც ამ ქვეყნებს საშუალებას მისცემს DCFTA-ის ეფექტური გამოყენებით ევროკავშირის ბაზაზე მოახდინონ ერთობლივი საწარმოების და ერთობლივი პროდუქტების რეალიზაცია. შეხვედრაზე მინისტრებმა გამოხატეს მზადყოფნა ორი ქვეყნის შესაბამისმა უწყებებმა განაგრძონ აქტიური მუშაობა ამ ინიციატივის რეალიზაციისათვის.

საქართველოსა და მოლდოვის საგარეო უწყების ხელმძღვანელებმა კიდევ ერთხელ დაადასტურეს მტკიცე ორმხრივი მხარდაჭერა, როგორც ევროპული ინტეგრაციის, ასევე ორივე ქვეყნის წინაშე არსებული საერთო გამოწვევების დაძლევის გზაზე. აღინიშნა ქვეყნებს შორის მაღალ დონეზე არსებულ ბრწყინვალე თანამშრომლობა.
შეხვედრაზე განსაკუთრებით გაესვა ხაზი საქართველოსა და მოლდოვას პროგრესს საერთო მიზნის - ევროპული ინტეგრაციის გზაზე და გამოიხატა მზაობა ამ მიმართულებით შემდგომი კოორდინირებული თანამშრომლობისთვის, როგორც რეფორმების იმპლემენტაციის, ასევე ევროპულ ნორმებთან და სტანდარტებთან მეტი დაახლოების მიზნით. დადებითად შეფასდა ბალკანეთის მიმართულებით ევროკავშირის შემდგომი გაფართოების განაცხადი, როგორც კარგი გზავნილი და სტიმული ასოცირებული ქვეყნებისთვის განაგრძონ ძალისხმევა ამ გზაზე.

საუბარი ასევე შეეხო მრავალმხრივ ფორმატებში თანამშრომლობას. საქართველოს საგარეო უწყების ხელმღვანელმა კოლეგას მიულოცა სუამ-ში მოლდოვის თავმჯდომარეობა და გამოხატა მზადყოფნა მხარი დაუჭიროს ორგანიზაციის შემდგომი განვითარებისათვის მოლდოვას ინიციატივებსა და ხედვებს.

მინისტრებმა მიმოიხილეს რუსეთის ფედერაციის მხრიდან საქართველოსა და მოლდოვას ტერიტორიული მთლიანობისა და სუვერენიტეტის ხელყოფის საკითხი და მიმდინარე აგრესია. მათ გამოხატეს ურთიერთმხარდაჭერა საერთაშორისო ფორმატებში რუსეთის აგრესიაზე სათანადო რეაგირებისთვის.

საქართველოს საგარეო უწყების ხელმძღვანელმა მიულოცა კოლეგას საგარეო საქმეთა მინისტრად დანიშვნა, წარმატება უსურვა მას მომავალ საქმიანობაში და საქართველოში ვიზიტად მიიწვია.


წყარო: interpressnews.ge
'.$TEXT['print'].'
სულ ნანახია - 567
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია