../photo/2015_02/0-00-1AAIVL/girseuli-partniori-2017-janelidze.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/476095-mikheil-janelidze-vizaliberalizacias-dghesdgheobith-safrthkhe-ar-emuqreba-magram-minda-movutsodo-chvens-moqalaqeebs-gaufrthkhildnen-am-did-shesadzleblobas.html", "headline": "მიხეილ ჯანელიძე - ვიზალიბერალიზაციას დღესდღეობით საფრთხე არ ემუქრება, მაგრამ მინდა მოვუწოდო ჩვენს მო...", "datePublished": "2018-02-02 08:42:39", "dateModified": "2018-02-02 08:42:39", "description": "საგარეო საქმეთა მინისტრი, ვიცე-პრემიერი მიხეილ ჯანელიძე აცხადებს, რომ საქართველოს ევროკავშირთან ვიზა...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-00-1AAIVL/girseuli-partniori-2017-janelidze.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } საგარეო საქმეთა მინისტრი, ვიცე-პრემიერი მიხეილ ჯანელიძე აცხადებს, რომ საქართველოს ევროკავშირთან ვიზალიბერალიზაციას საფრთხე დღესდღეობით არ ემუქრება, თუმცა საქართველოს მოქალაქეებს მოუწოდებს, ამ შესაძლებლობას გაუფრთხილდნენ.

„საქართველოს მოქალაქეებს ვიზალიბერალიზაციით სარგებლობის კუთხით დღეს არანაირი საფრთხე არ ემუქრებათ, მაგრამ მინდა, კიდევ ერთხელ მოვუწოდო ჩვენს მოქალაქეებს, რომ გაუფრთხილდნენ იმ დიდ შესაძლებლობას, რომელიც ვიზალიბერალიზაციით მოგვენიჭა. ამით ისარგებლა საქართველოს ძალიან ბევრმა მოქალაქემ. კიდევ ერთხელ შევახსენებ ყველას, რომ ეს არის 90-დღიანი ვიზიტისთვის განსაზღვრული უვიზო მიმოსვლა. შესაბამისად, აუცილებელია, რომ ყველამ დაიცვას ეს პირობა, რათა გაგრძელდეს შეუფერხებლად და არ წარმოიშვას რაიმე კითხვები საქართველოსთან მიმართებაში ვიზალიბერალიზაციის მოქმედებასთან დაკავშირებით. ამ ეტაპზე არ არსებობს არანაირი საფუძველი იმისა, რომ ეს პირობები გადაიხედოს“, - განაცხადა ჯანელიძემ.

შეგახსენებთ, რომ თავშესაფრის მინიჭების ევროპული სააგენტოს (EASO) მიერ გავრცელებული სტატისტიკური მონაცემების მიხედვით, 2016 წელთან შედარებით ევროკავშირის წევრ ქვეყნებში თავშესაფრის მაძიებელი საქართველოს მოქალაქეების რიცხვი 35%-ით გაიზარდა.


წყარო: interpressnews.ge