../photo/2015_02/0-0OQT-2015/xundade.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/471010-dimitri-khundadze-chven-vkhedavth-realur-riskebs-rom-qveyanashi-narkotikebis-momkhmarebeltha-rickhvi-gaizrdeba.html", "headline": "დიმიტრი ხუნდაძე - ჩვენ ვხედავთ რეალურ რისკებს, რომ ქვეყანაში ნარკოტიკების მომხმარებელთა რიცხვი გაიზრ...", "datePublished": "2017-12-27 14:58:32", "dateModified": "2017-12-27 14:58:32", "description": "ნარკოტიკული საშუალების ლიბერალიზაციის შესახებ კანონპროექტის მოწინააღმდეგე 7 დეპუტატი ითხოვს, რომ საკ...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-0OQT-2015/xundade.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } ნარკოტიკული საშუალების ლიბერალიზაციის შესახებ კანონპროექტის მოწინააღმდეგე 7 დეპუტატი ითხოვს, რომ საკითხი ჯერ უმრავლესობის ფორმატში განიხილონ, - ამის შესახებ საპარლამენტო უმრავლესობის წევრმა დიმიტრი ხუნდაძემ საკითხის კომენტირებისას განაცხადა.

ხუნდაძის თქმით, კომიტეტის წევრების ნაწილი კანონპროექტის აღნიშნული ფორმით მიღების წინააღმდეგია. "ჯანდაცვის კომიტეტის უმრავლესობის წევრები ვეწინააღმდეგებით დეკრიმინალიზაციის ამ ფორმით შემოტანას, რადგან ჩვენ ვხედავთ რეალურ რისკებს იმისა, რომ ქვეყანაში გაიზრდება ნარკოტიკების მომხმარებელთა რიცხვი. სამართლებრივი რეგულაციები უნდა იყოს იმგვარი, რომ ეს რიცხვი არ გაიზარდოს. ჩვენ ვემხრობით, რომ არ დავიჭიროთ, უნდა იყოს შესაბამისი სერვისები, სამართლებრივი რეგულაციები, რომ არ მოხდეს ქვეყანაში ნარკოტიკების მომხმარებელთა რიცხვის აფეთქება. მიუხედავად იმისა, რომ კომიტეტის სხდომა მაინც შედგა, ის გაიმართა ოპოზიციის წევრების მონაწილეობით, თუმცა, ვფიქრობ, რომ უნდა შედგეს შეთანხმება უმრავლესობის ფორმატში, რომ მოხდეს რისკების მინიმალიზება. ეს კანონპროექტი ეხება არა მხოლოდ ნარკოტიკების მომხმარებლებს, არამედ საზოგადოების იმ უდიდეს ნაწილს, რომელიც არ მოიხმარს ნარკოტიკებს. მე და იმ გუნდის წევრები, რომლებიც ვეწინააღმდეგებით ამ კანონპროექტს, ვითხოვთ ამ საკითხის უმრავლესობის ფორმატში განხილვას", - განაცხადა დიმიტრი ხუნდაძემ.

კანონპროექტის წინააღმდეგი არიან დეპუტატები დიმიტრი ხუნდაძე, კობა ნარჩემაშვილი, კობა ნაკაიძე, ლევან ბეჟანიძე, დიმიტრი მხეიძე, მირიან წიკლაური და ილია ნაკაშიძე.

წყარო: interpressnews.ge