../photo/2015_02/0-00-1OQT-2016/gogava-irakli.jpg { "@context": "http://schema.org", "@type": "NewsArticle", "mainEntityOfPage": "http://www.interpressnews.ge/ge/politika/468063-irakli-gogava-poroshenkosa-da-saakashvils-shoris-shedga-shethankhmeba-saakashvils-ganesazghvra-misi-teqnikuri-opoziciis-roli-timoshenkos-dasasusteblad.html", "headline": "ირაკლი გოგავა - პოროშენკოსა და სააკაშვილს შორის შედგა შეთანხმება, სააკაშვილს განესაზღვრა მისი ტექნიკ...", "datePublished": "2017-12-11 17:55:54", "dateModified": "2017-12-11 17:55:54", "description": "ოდესის გუბერნატორობიდან გადადგომის თუ გადაყენების შემდეგ, პეტრო პოროშენკოსა და მიხეილ სააკაშვილს შორ...", "author": { "@type": "Person", "name": "Maka Chaganava" }, "publisher": { "@type": "Organization", "name": "IPN", "logo": { "@type": "ImageObject", "url": "http://www.interpressnews.ge/ge/images/logo_new.png", "width": 194 } }, "image": { "@type": "ImageObject", "url": "http://www.interpressnews.ge/photo/2015_02/0-00-1OQT-2016/gogava-irakli.jpg", "height": 470, "width": 246 } } { "@context":"http://schema.org", "@type":"Organization", "name":"IPN", "logo":"http://www.interpressnews.ge/ge/images/logo_new.png", "url":"http://www.interpressnews.ge/ge/", "sameAs": [ "https://www.facebook.com/ipnge" ] } ოდესის გუბერნატორობიდან გადადგომის თუ გადაყენების შემდეგ, პეტრო პოროშენკოსა და მიხეილ სააკაშვილს შორის შედგა შეთანხმება, სააკაშვილს განესაზღვრა პოროშენკოს ტექნიკური ოპოზიციის როლი ტიმოშენკოს დასასუსტებლად, - ამის შესახებ ტელეკომპანია ”პალიტრანიუსის” გადაცემაში ”360 გრადუსი” უკრაინაში მყოფმა, ორგანიზაცია ”საქართველოს განვითარების ლაბორატორიის” ხელმძღვანელმა ირაკლი გოგავამ განაცხადა. თუმცა, მისი თქმით, უკრაინის პროკურატურის მხრიდან სააკაშვილის მიმართ მასალების გამოქვეყნებამ თავად პოროშენკოც რთულ მდგომარეობაში ჩააგდო.

”ცალსახად, ოდესის გუბერნატორობიდან გადადგომის თუ გადაყენების შემდეგ შედგა შეთანხმება პოროშენკოსა და სააკაშვილს შორის და სააკაშვილს განესაზღვრა პოროშენკოს ტექნიკური ოპოზიციის როლი. ამის მიზეზი არის, რომ უმთავრესი მეტოქისთვის, იულია ტიმოშენკოსთვის წაერთმიათ 3-დან 4%-მდე ხმა და არ მომხდარიყო ახალი პოლიტიკური ძალების გაძლიერება. იმ მასალების გამოქვეყნებით, რომელიც გენერალურმა პროკურატურამ გამოაქვეყნა, პოროშენკოსაც შეექმნა პრობლემები. რასაც სააკაშვილს ბრალად უყენებენ, არის სააკაშვილის მხრიდან რუსეთისგან ფულის აღება. კურჩენკომ, რომელიც იანუკოვიჩის კარის მოლარე იყო, თქვა ნამდვილად, რომ არ იცნობს სააკაშვილს, სააკაშვილმაც თქვა, რომ არ უსაუბრია მასთან, თუმცა ფაქტია, რომ პროკურატურამ გამოაქვეყნა მასალები. ყველაფერს დაადგენს გამოძიება”, - განაცხადა გოგავამ.

მისივე თქმით, თუ სააკაშვილის მიმართ წარდგენილი ბრალდება დადასტურდება, ამ შემთხვევაში საქართველოს ყოფილ პრეზიდენტს ”ვერავინ უშველის”.

”თუ დამტკიცდა ნამდვილად რუსეთიდან სააკაშვილის მიერ თანხების წამოღება, ამ შემთხვევაში ვერც პოროშენკო უშველის, ვერც მაკკეინი, ვერც სარიუშ ვოლსკი და ვერც სხვები. ამ საკითხზე თვითონ სააკაშვილის გარემოცვიდანაც დაისვა კითხვები უკრაინელი პოლიტიკოსებისგან”, - აღნიშნა გოგავამ.



წყარო: interpressnews.ge