სოფელ დვანში რუსი ოკუპანტების ქმედებებს დღეს ქართველი სტუდენტები გააპროტესტებენ. სხვადასხვა უმაღლესი სასწავლებლის სტუდენტები თსუ-ის ეზოში იკრიბებიან, რის შემდეგაც დვანში გაემგზავრებიან. სტუდენტები დვანის მოსახლეობასაც შეხვდებიან და მათ პრობლემებს მოისმენენ.
"აქციის მთავარი მიზანია, დავანახოთ როგორც ქართულ, ასევე საერთაშორისო მედიას, რომ ქართული ახალგაზრდობა დგას დვანელების და სხვა ოკუპირებულ ტერიტორიებზე მცხოვრები ადამიანების გვერდით. ყველა სტუდენტი უნდა ჩაერთოს ამ მოძრაობაში", - აღნიშნავენ აქციის მონაწილეები.
სტუდენტები დვანში ტრანსფარანტებით ჩავლენ, რომელიც ქართულ-ინგლისურ და რუსულ ენებზეა შედგენილი.

წყარო: interpressnews.ge