გამყოფ ხაზთან მდებარე სოფლებში ინფრასტრუქტურის მოსაწესრიგებლად უკვე 11 მილიონი ლარია დახარჯული
შიდა ქართლში კონფლიქტის ზონის სოფლებში ინფრასტრუქტურის მოსაწერიგებლად 11 მილიონი ლარი უკვე დაიხარჯა. მიმდინარე წელს განხორციელდა და ამჟამადაც მიმდინარეობს პროექტები, რომელიც ადგილობრივ მოსახლეობას გადაადგილებისა და წყალმომარაგების პრობლემებს მოუგვარებს. კერძოდ: გორის მუნიციპალიტეტში, სალთვისი-ტირიფონის საირიგაციო სისტემის რეაბილიტაციის ფარგლებში, ტირიფონის რეაბილიტირებული მაგისტრალური არხი გაიხსნა; ქარელისა და გორის მუნიციპალიტეტებში, მუნიციპალური ინფრასტრუქტურისა და იძულებით გადაადილებულ პირთა საცხოვრებლის რეაბილიტაციის ფარგლებში, საღოლაშენი-დვანისა და გორიჯვრის რეაბლიტირებული გზები გაიხსნა. საქართველოს მთავრობის განკარგულების შესაბამისად, პატარა ლიახვის ხეობაში, ოკუპირებული ტერიტორიების მიმდებარე სოფლების - ზარდიანთკარის, დიდი ხურვალეთის, გუგუთაანთკარისა და კოშკას მოსახლეობის სასმელი წყლით უზრუნველყოფის გაუმჯობესების მიზნით, ოთხი დამატებითი ჭაბურღილის ბურღვა მიმდინარეობს. ასევე, მიმდინარეონს სოფლების - ლამისყანა, ახმაჯი, თვაურები - ტერიტორიაზე გზის რეაბილიტაცია, რომელიც სულ მალე დასრულდება. აქტიურ ფაზაშია, აგრეთვე, კარალეთი-ქვეშის გზის სარეაბილიტაციო სამუშაოებიც.
წყარო:
info9.ge