როდესაც ამდენი თანამდებობის პირი დაკავებულია, პრეზიდენტთან იქნება შეკითხვები, - ამის შესახებ პრემიერმა ივანიშვილმა ექსპერტებთან შეხვედრისას განაცხადა. მისივე თქმით, საქართველოს პრეზიდენტ მიხეილ სააკაშვილის პასუხისგებაში მიცემაზე საუბარი მისი მხრიდან არ იქნება სწორი. ამასთან, როგორც პრემიერმა აღნიშნა, მისი, როგორც პოლიტიკოსის სურვილია, რომ საქართველოში რაც შეიძლება ცოტა ხალხი დაისაჯოს. "ქვეყანაში, სადაც, ორი შინაგან საქმეთა მინისტრია დაკავებული, ორი თავდაცვის მინისტრი ძიებაშია, გენპროკურორზე, ქალაქის მერზე სასამართლო მიდის, ასეთი არც ერთ ქვეყანაში არ არის, ჩვენთან უფრო მძიმედ არის სიტუაცია. როდესაც ამდენი თანამდებობის პირი არის დაკავებული, პრეზიდენტთან იქნება შეკითხვები", – განაცხადა პრემიერმა ივანიშვილმა.
წყარო:
news.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი