პარლამენტის რიგგარეშე სხდომაზე შინაგან საქმეთა მინისტრის მოადგილემ ლევან იზორიამ ადმინისტრაციულ სამართალდარღვევათა კოდექსში ცვლილებების პროექტი პირველი მოსმენით წარადგინა. დაგეგმილი ცვლილების თანახმად, უწყვეტი ღერძულა ხაზის გადაკვეთაზე დაწესებული ჯარიმა 100-დან 50 ლარამდე მცირდება. ერთი წლის განმავლობაში გამოვლენილი განმეორებითი შემთხვევისთვის მოქმედი კანონმდებლობით გათვალისწინებული ჯარიმის ოდენობა, რომელიც 200 ლარს შეადგენს, ასევე განახევრდება.
წყარო:
news.ge