„ქართული ოცნება“ რეგიონებში მერობისა და საკრებულოს მაჟორიტარი დეპუტატობის კანდიდატების ცალ-ცალკე წარდგენას არ გეგმავს
პარტია „ქართული ოცნება“ რეგიონებში მერობისა და საკრებულოს მაჟორიტარი დეპუტატობის კანდიდატების ცალ-ცალკე წარდგენას არ გეგმავს.
პარტია სექტემბრის დასაწყისში მხოლოდ იმ კანდიდატების სიის ოფიციალურად გამოქვეყნებას აპირებს, რომლებიც ამა თუ იმ რეგიონში მერობისთვის და საკრებულოს დეპუტატობისთვის იბრძოლებენ.
ამასთან, როგორც „ინტერპრესნიუსს“ „ქართული ოცნების“ პრესსამსახურში განუცხადეს, სექტემბრის ბოლოს მერობისა და მაჟორიტარობის კანდიდატების მონაწილეობით, „ქართული ოცნების“ თავმჯდომარე, პრემიერ-მინისტრი გიორგი კვირიკაშვილი პრეზენტაციას გამართავს და ამომრჩეველს პარტიის კანდიდატებს პირადად წარუდგენს.
წყარო:
interpressnews.ge