ანა დოლიძე - სტიქიასთან ბრძოლის დასრულების შემდეგ, მნიშვნელოვანი იქნება მთელი ამ პროცესის ანალიზი და დაკვირვებით შესწავლა
ჩვენ აღვნიშნეთ, რომ სტიქიასთან ბრძოლის დასრულების შემდეგ მნიშვნელოვანი იქნება მთელი ამ პროცესის, ამ შემთხვევის ანალიზი და დაკვირვებით შესწავლა, - ამის შესახებ ჟურნალისტებს პრეზიდენტის
საპარლამენტო მდივანმა, ანა დოლიძემ ბორჯომში გაჩენილ ხანძართან დაკავშირებით განუცხადა.
მისივე თქმით, მნიშვნელოვანი იქნება ყველა შესაძლო მოსაზრების, მათ შორის დივერსიის თაობაზე ვერსიის შესწავლა და გამოძიება.
”ბუნებრივია, მნიშვნელოვანი იქნება ყველა შესაძლო ვერსიის შესწავლა, გამოძიება და შესაბამისი დასკვნის წარმოდგენა იმასთან დაკავშირებით, რატომ და როგორ მოხდა ეს ყველაფერი”, - განაცხადა ანა დოლიძემ.
ბორჯომში ხანძარი უკვე მეხუთე დღეა რაც მძვინვარებს. ამ დროისთვის დამწვარია 100 ჰექტრამდე ტყე.
წყარო:
interpressnews.ge