რუსი სამხედროების მიერ დვანში ე.წ ადმინისტრაციული საზღვრის გადმოწევის ფაქტით აღშფოთებული ჟურნალისტები შაბათს, 28 სექტემბერს, სოფელ დვანში ადგილზე ჩასვლას და რუსული ოკუპაციის გაპროტესტებას გეგმავენ. "ჟურნალისტები ოკუპაციის წინააღმდეგ!" შესაბამისი სახელწოდების ივენთი "ფეისბუქზე" უკვე შექმნილია, რომლიდანაც მოწვევა ჟურნალისტებს დაეგზავნებათ. როგორც საკითხის ინიცატორმა ჟურნალისტმა მიშა ხაჩიძემ News.ge-ს განუცხადა, იგი ამ ქმედებით საკუთარ მოქალაქეობრივ პოზიციას გამოხატავს.
წყარო: news.ge