თამაზ ტყემალაძის ინიციატივებს ჟურნალისტი ეკა კვესიტაძე კომიკურს უწოდებს. ამის შესახებ მან ინგა გრიგოლიას გადაცემა "დიდ პოლიტიკაში" განაცხადა. კვესიტაძის თქმით, შესაძლოა, რომ ტყემალაძემ მალე ნეკროლოგებიც აღადგინოს, რადგან მისი თქმით, საზოგადოებრივი მაუწყებლის გენერალური დირექტორის მოვალეობის შემსრულებელს, ამ საკითხზე საუბარი ტელევიზიაში მისვლისთანავე ჰქონდა. კვესიტაძის ინფორმაციით, ტყემალაძემ განაცხადა, რომ არხი "საზოგადოებრივი მაუწყებელია" და სწორედ ამის გამო უნდა იყოს იქ ნეკროლოგები. ეკა კვესიტაძე თავის და დავით პაიჭაძის გადაცემებსაც შეეხო და განაცხადა, რომ უკვე საბოლოოდ გადაწყვეტილია, რომ მათი თოქ-შოუები ეთერში აღარ გავა და ამ საკითხთან დაკავშირებით, კითხვის ნიშანი აღარ არსებობს. შეგახსენებთ, რომ თამაზ ტყემალაძე საზოგაეოდბრივი მაუწყებლის ეთერში გადაცემის წაყვანას გეგმავს.
წყარო:
news.ge